E PODER DI ALFABETISASHON FINANSIERO

August 10, 2017

“Make money work for you, it doesn’t sleep, get tired or go on vacation!”

Anonymous          

 

Bon biní na e skina di invershonista! Esaki ta e promé den loke nos ta spera lo ta un seri di artíkulo pa informá, avisá i entretené bo tokante alfabetisashon finansiero i e maneranan eksitante pa gana sèn legítimamente durante bo soño!

 

What are your Current financial obligations?

 

Bo ke gana mas sèn i no traha mas ora òf straf bo mes dor di puntra pa un oumento di salario ku e “podernan eksistente“ a fris pa e delaster dos aña?

 

Bo ke amplia bo negoshi pero no ta sigur kon pa finansiá esaki òf bo patriarka ta nenga di los e sintanan di e pòtmòni?

 

Bo ke tin sèn den bo kuenta di banko sin hasi “kosnan ku no ta pèrmití”?

 

Tin un manera legítimo, sigur i infalibel pa hasi esaki; el a wanta e tèst di tempu, aunke e tin su retonan manera e krísis finansiero di 2008; pero tur ideanan fabuloso tin elementonan di riesgo, tòg? Mihó ainda, hopi hende riku – Warren Buffet, Oprah Winfrey, etc. a wòrdu hañá ta hasi esaki! Kiko lo mester hasi abo diferente for di nan?  Mi ta sigur nan no ta mas spesial di abo i ami! Nan tambe ta simplemente hende mortal manera nos tur, Òf no?!

 

Take Control

Pues, kiko nan ta hasi? Esei ta loke e artíkulonan aki ta bai yudabo siña hasi bo mes. Pa hasi presis kiko nan tabata hasi tur e añanan aki!

 

Oké, sper’é ..... sper’é... At’ ele aki. Zona di tambú por fabor.

 

Nan ta invertí! Nan ta pone nan sèn traha pa nan den lugá di nan traha pa nan sèn! Ta asina simpel. Awor hisa bo kakumbein for di suela i sera bo boka atrobe! Kiko bo tabata spera? Un fórmula pa un bebida mágiko òf un plan masha ingenioso òf un gòlpi finansiero manera esun di Ocean 11?  Ban mira, ban bèk na e mundu real!

 

E solushon simpel i eksitante ta invertí, loke mi tin di bisa, ta kompletamente diferente for di spar; pero nos lo laga e diskushon ei pa un otro tópiko. E ta e idea briante tras di e kontestanan riba e preguntanan hasí anteriormente. Aunke e ta simpel e no ta un seri di “bira riku lihé”! Si esei ta loke bo ta buska, por fabor kontinuá ku dobla e korant aki, poné riba e mesa dilanti di bo i bula bula bai bo djòp eksitante!

 

Get in the know

Nos lo mester tuma pasonan di bebi promé nos bula, pero nos lo bula!! E artíkulonan lo splika términonan finansiero i di merkado di kapital klave pa mihó komprondementu una bes nos yega e materia kompleho pero prèt!

 

Esaki ta e springplank pa lansa e benefisionan lukrativo di alfabetismo finansiero ku segun pbs.org ta e abilidat pa usa konosementu i kompetensianan pa manehá rekursonan finansiero efektivamente pa un bida largu di bienestar finansiero. Den otro palabra, djis dor di lesa e artíkulonan aki loke lo lanta bo interes pa otro literatura finansiero, bo lo ta kapas di manehá bo plaka mihó pa bo no wòrdu gará den debe pero den lugá  di esei pa bo por krese den bo independensia finansiero pa bo mes, bo famia i bo interesnan karitativo.

 

 

DCSX a mira e nesesidat pa esaki, pasobra alfabetisashon finansiero aworakí ta mas importante ku nunka anterior. Esaki ta pasobra, nos ta bibando mas largu loke ta nifiká ku nos mester di mas sèn pa pone un banda pa e añanan adishonal di penshun. Mas aleu e gobièrnu ta kòrtando den su provishonnan sosial miéntras ku produktonan finansiero ta birando mas kompleho i ta wòrdu ofresé dor di un kantidat inmenso di institushonnan plamá riba un paisahe global i aksesibel.

 

Esaki ke mèn ku ta bale la pena di sa na e nivel masha básiko kiko ta wòrdu ofresé na nos pa nos por maksimalisá e benefisionan basá riba nos sirkunstansianan úniko!

 

Dont be left behind

Na nivel personal, esakinan ta e par di pasonan mas leu ku e abilidat pa balansá bo buki di chèk òf kompará preis den supermerkado.  Bon hasí, e lo elevá bo for di biba di luna pa luna.

 

Na nivel di negoshi, e lo yuda den resolvé oportunidatnan ku por ta, ta pasa bo dilanti tur e tempu aki. 

 

Ta bale la pena pa sa! E kosto di no sa, por nifiká un biahe di fakansi pa famia pa Italia òf un 5% neto adishonal riba e márgen di ganashi pa bo kompania.

 

Esaki ta un biahe eksitante i mi ta yen di gana pa bai. Di kon bo no ta djòin ku mi riba e biahe aki pa siña kon pa pone bo sèn traha pa bo!

Pidi pa un sita. E ta gratis!

 

 

“Either make money work for you or you will always work for money”

Marshall Sylver

Bek na Komienso

 

 

 

 

 

 

 

 

 

Please reload

Our Recent Posts

Please reload

Archive

Please reload

Tags

Please reload

Willemstad, Curaçao

  • Vertex Investments Facebook
  • Vertex Investments Twitter
  • Vertex Investments LinkedIn

©2019 VERTEX INVESTMENTS. ALL RIGHTS RESERVED.